(၉-၄-၂၀၁၆)ရက်နေ့ (၁၈:၀၀)နာရီမှ (၁၈:၄၅)နာရီအချိန်ထိ ဧရာဝတီတိုင်းဒေသကြီး၊ ဟင်္သာတခရိုင်၊ ကြံခင်းမြို့နယ်အတွင်းတွင် လေပြင်းတိုက်ခတ်မှုဖြစ်ပွားခဲ့ပါသည်။ အဆိုပါလေဘေးအတွက်ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ဧရာ၀တီတိုင်းဒေသကြီးဦးစီးမှူးရုံးရှိ တိုင်းဒေသကြီးဦးစီးမှူး၊ ဦးသန်းစိုး (ညွှန်ကြားရေးမှူး) ဦးဆောင်၍ ဟသာင်္တခရိုင်ဦးစီးမှူးရုံးမှ ဒုတိယဦးစီးမှူး၊ ဦးရမ်ချွမ်းမန်းနှင့်အတူ တာဝန်ရှိသူများလိုက်ပါပြီး (၁၀-၄-၂၀၁၆)ရက်နေ့ (၁၆:၀၀)အချိန်တွင် ကြံခင်းမြို့နယ်၊ ထန်းတပင်အုပ်စုသို့သွားရောက်ကာ ပြိုကျအိမ်ထောင် (၇၄) အိမ်ထောင်စုအတွက်ကယ်ဆယ်ရေးပစ္စည်း (၉)မျိုး၊ အမိုးလန်အိမ်ထောင်စု (၅၁၀) အတွက် ကယ်ဆယ်ရေးပစ္စည်း (၅) မျိုးနှင့် ဘုန်းကြီးကျောင်း (၅) ကျောင်းအတွက် သင်္ဃန်း (၅)စုံထောက်ပံ့ခဲ့ကြောင်းနှင့် လူဦးရေစာရင်းအားဆက်လက် စိစစ်ကောက်ယူဆဲဖြစ်ကြောင်းသိရှိရပါသည်။