လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ဖျာပုံခရိုင်ဦးစီးမှူးရုံးမှတာဝန်ရှိသူများသည် ဖျာပုံမြို့နယ်သဘာဝဘေးအန္တရာယ်ကာကွယ်စောင့်ရှောက်ရေးကော်မတီဝင်များ၊ ဖျာပုံမြို့နယ်မိခင်နှင့် ကလေးစောင့်ရှောက်ရေးအဖွဲ့ဝင်များနှင့် ပူးပေါင်း၍ (၁၁-၈-၂၀၁၈)ရက်နေ့တွင် ဖျာပုံမြို့နယ်၊ အမာမြို့ဒေါ်ငြိမ်းကျေးရွာအုပ်စု၊ ဒေါ်ငြိမ်းရှယ်လ်တာတွင် မုန်တိုင်းသဏ္ဍာန်တူဇာတ်တိုက်လေ့ကျင့်ခြင်းကို ပြုလုပ်ခဲ့ရာ ဒေါ်ငြိမ်းကျေးရွာအုပ်စုမှ ကျေးရွာနေ ပြည်သူ (၇၀၀) ဦး ဖြင့်ကျင်းပပြုလုပ်ခဲ့ကြောင်း၊ မုန်တိုင်းနှင့်စပ်လျဉ်း၍ မုန်တိုင်းအရောင်များ၏အဓိပ္ပါယ်အားရှင်းလင်းခြင်း၊ မုန်တိုင်းဘေးနှင့် ဆူနာမီဘေး၊ အခြားဘေးများအတွက် ဆောင်ရန်/ ရှောင်ရန်အချက်များအား ဟောပြောခဲ့ပြီး လက်ကမ်းစာစောင်များဖြန့်ဝေခဲ့ကြကြောင်း သတင်းရရှိပါသည်။