လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန၊ ကရင်ပြည်နယ်ဦးစီးမှူးရုံးမှ တာဝန်ရှိသူများသည် (၂၅-၇-၂၀၁၈)ရက်နေ့ ကရင်ပြည်နယ်၊ ဖာပွန်မြို့နယ်ရှိ ယွန်းစလင်းချောင်းနှင့် ကမမောင်းမြို့ရှိ သံလွင်မြစ်ရေမြင့်တက်မှုကြောင့် ဖာပွန်မြို့နယ်နှင့် ကမမောင်းမြို့တို့တွင် ကယ်ဆယ်ရေးစခန်း (၁၁)ခု ဖွင့်လှစ်၍ အိမ်ထောင်စု (၃၆၅)စု လူဦးရေ (၁၇၆၇)ဦးအတွက် ဆန်ရိက္ခာ (၇)ရက်စာ ထောက်ပံ့ငွေကျပ် (၃,၇၁၀,၇၀၀)အား (၃၀-၇-၂၀၁၈) ရက်နေ့တွင် ဖာပွန်မြို့နယ် အထွေထွေ အုပ်ချုပ်ရေးဦးစီးဌာနသို့ လွှဲပြောင်း ထောက်ပံ့ပေးအပ်ခဲ့ကြောင်း သတင်းရရှိပါသည်။