===================================================
Source: ဖျာပုံခရိုင်ဦးစီးမှူးရုံး (ဘစမ)
===================================================
လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ဖျာပုံခရိုင်ဦးစီးမှူးရုံးမှ တာဝန်ရှိသူများသည် ဘိုကလေးမြို့နယ်အတွင်း (၁၁-၆-၂၀၁၈) ရက်နေ့နှင့် (၁၂-၆-၂၀၁၈) ရက်နေ့တို့တွင် မိုးသက်လေပြင်းတိုက်ခတ်မှုကြောင့် မဂူအုပ်စု၊ သာယာကုန်းကျေးရွာ၌ ပြိုလဲခဲ့သည် နေအိမ် (၁) လုံး၊ အိမ်ထောင်စု (၁) စုအတွက် ကယ်ဆယ်ရေးပစ္စည်း (၁၆) မျိုး (၁) အိမ်ထောင်စာ၊ အိမ်ဆောက်ပစ္စည်းဖိုးငွေကျပ် (၁) သိန်းနှင့် ဆန်ဖိုးငွေ (၄၂၀၀) ကျပ်ကိုလည်းကောင်း၊ ဗြူးစခန်းကျေးရွာအုပ်စု၊ မငဲ့လေးကျေးရွာ၌ ပြိုလဲခဲ့သည့် နေအိမ် (၁) လုံး အိမ်ထောင်စု (၁) စုအတွက် ကယ်ဆယ်ရေးပစ္စည်း (၁၆) မျိုး (၁) အိမ်ထောင်စုစာ၊ အိမ်ဆောက်ပစ္စည်းဖိုးငွေကျပ် (၁) သိန်းနှင့် ဆန်ဖိုးငွေ (၆၃၀၀) ကျပ်ကိုလည်းကောင်း၊ မြင်းကကုန်းကျေးရွာအုပ်စု၊ မြင်းကကုန်းကျေးရွာ၌ပြိုလဲခဲ့သည့် နေအိမ် (၁) လုံး၊ အိမ်ထောင်စု (၁) စုအတွက် ကယ်ဆယ်ရေးပစ္စည်း (၁၆) မျိုး (၁) အိမ်ထောင်စာ၊ အိမ်ဆောက်ပစ္စည်းဖိုးငွေ (၁) သိန်းကျပ်၊ ဆန်ဖိုးငွေ (၈၄၀၀) ကျပ်ကိုလည်းကောင်း၊ ဟိုင်းစီကျေးရွာအုပ်စု၊ ဂွေးတောက်ကုန်းကျေးရွာ၌ အမိုးလန်ခဲ့သည့် နေအိမ်(၁) လုံး၊ အိမ်ထောင်စု (၁) စုအတွက် ကယ်ဆယ်ရေးပစ္စည်း (၁၀) မျိုး (၁) အိမ်ထောင်စုစာ၊ အိမ်ဆောက်ပစ္စည်းဖိုးငွေ (၁) သိန်းကျပ်၊ ဆန်ဖိုးငွေ (၆၃၀၀) ကျပ်တို့အား (၁၃-၆-၂၀၁၈) ရက်နေ့တွင် ဘေးသင့်ပြည်သူများလက်ဝယ်သို့ ထောက်ပံ့ပေးအပ်ခဲ့ကြောင်း သိရှိရပါသည်။