၂၀၁၅ ခုနှစ်၊ ဒီဇင်ဘာလ (၂)ရက်နေ့ (၁၅:၀၀)အချိန်တွင် လမ်းဦးစီးဌာန၊ စစ်တွေမြို့ရှိ ညွှန်ကြားရေးမှူး (မြို့ပြ)ရုံး၊ အစည်းအဝေးခန်းမ၌ ရခိုင်ပြည်နယ်အစိုးရအဖွဲ့၊ ပြည်နယ်လမ်းပန်း ဆက်သွယ်ရေး၀န်ကြီး၊ ဦးလှဟန်ဦးစီး၍ ၂၀၁၅-၂၀၁၆ ဘဏ္ဍာရေးနှစ် ပြည်နယ်ငွေလုံးငွေရင်း ရန်ပုံငွေဖြင့် ဆောင်ရွက်သော Cyclone Shelter (၁၀) လုံး တည်ဆောက်ခြင်းအတွက် လုပ်ငန်းညှိနှိုင်း အစည်းအဝေးကျင်းပပြုလုပ်ခဲ့ရာ အစည်းအဝေး၌ ပြည်နယ်၀န်ကြီး ဦးလှဟန်မှဆွေးနွေးရာတွင် Cyclone Shelter (၁၀)လုံး ဆောက်လုပ်လျက်ရှိရာ (၆) လုံး မှာ (၁၀၀%) ပြီးစီးပြီး ကျန် (၄)လုံး အား အမြန်ပြီးစီးရေးတွန်းအားပေးဆောင်ရွက်သွားရန်နှင့် ၂၀၁၆ ခုနှစ်၊ ဇန်နဝါရီလ (၃၁) ရက်နေ့တွင် အပ်နှံနိုင်ရေးဆောင်ရွက်သွားရန် ဆုံးဖြတ်ခဲ့ကြပါသည်။ အဆိုပါ Cyclone Shelter (၁၀)လုံးတွင် စစ်တွေမြို့နယ်အတွင်းရှိ သဲချောင်းကျေးရွာ၊ မင်းလှကျေးရွာ၊ ဘောဒူဖကျေးရွာ၊ ပလ္လင်ပြင်ကျေးရွာ၊ တောင်ကုတ်မြို့နယ်၊ ငမောက်ချောင်းကျေးရွာနှင့် မင်းပြားမြို့နယ်၊ အိုင်၀န်းကျေးရွာ တို့တွင် (၁၀၀%) ပြီးစီးပြီး ပေါက်တောမြို့နယ်၊ ကံပြင်ကျေးရွာ၊ မြေပုံမြို့နယ်၊ ပြင်ချောင်းကျေးရွာ၊ သင်ပေါင်းချောင်း ကျေးရွာနှင့် ကျောက်ဖြူမြို့နယ်၊ သဲတန်းကျေးရွာတို့တွင် ကျန်ရှိနေပြီး Cyclone Shelter များအား မည်သည့်ဌာသို့ လွှဲပြောင်းအပ်နှံရမည်ကို ပြည်နယ်၀န်ကြီးချုပ်၏ လမ်းညွှန်မှုရရှိပါက အကြောင်းကြားသွားမည်ဖြစ်ကြောင်း သတင်းရရှိပါသည်။