လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံ ခန့်ခွဲမှုဦးစီးဌာန၊ ပခုက္ကူခရိုင်ဦးမှူးရုံးနှင့် အမှတ် (၁၀၁) ခြေမြန်တပ်ဌာနချုပ်တို့မှ ကြီးမှူး၍ ကျင်းပပြုလုပ်သော မုန်တိုင်းကြောင့် ဆက်စပ်ဖြစ်ပေါ်လာနိုင်သည့် လေပြင်းတိုက်ခတ်ခြင်းများနှင့် လျှပ်တပြက်ရေကြီးခြင်း သဏ္ဍာန်တူဇာတ်တိုက် လေ့ကျင့်ခြင်းကို ပခုက္ကူမြို့နယ်၊ ဖောင်းကွဲကျေးရွာအုပ်စု၊ ဖောင်းကွဲကျေးရွာ၌ (၂၅-၄-၂၀၁၈) ရက်နေ့တွင် စစ်ဘက်-အရပ်ဘက် ပူးပေါင်းဆောင်ရွက်ပြုလုပ်ခဲ့ပြီး မုန်တိုင်းကြောင့် ဆက်စပ်ဖြစ်ပေါ် လာနိုင်သည့် သဘာဝဘေးအန္တရာယ်များဖြစ်ပေါ်လာပါက ဘေးအန္တရာယ်အကင်းဆုံးဖြစ်အောင် နေထိုင် နိုင်ရန် သဏ္ဍာန်တူသရုပ်ပြလေ့ကျင့်ခြင်းကို ရွာသူ/ ရွာသားများ ပါဝင်လေ့ကျင့်ခဲ့ပါသည်။ ပခုက္ကူမြို့နယ်၊ ဖောင်းကွဲကျေးရွာအုပ်စု၊ ဖောင်းကွဲကျေးရွာ၌ ကျင်းပပြုလုပ်သည့်အခမ်းအနားတွင် ပြည်သူ့လွှတ်တော် ကိုယ်စားလှယ် ဦးပိုက်ကိုမှ အဖွင့်အမှာစကားပြောကြားခြင်း၊ အမျိုးသားလွှတ်တော် ကိုယ်စားလှယ်၊ ဦးမြမင်းဆွေမှ သဘာဝဘေးနှင့်ပတ်သက်သည့် ဥပဒေနှင့် နည်းဥပဒေများကို ရှင်းလင်းပြောကြားခြင်း၊ အမှတ် (၁၀၁) ခြေမြန်တပ်မဌာနချုပ်၊ ဗိုလ်မှူးသိန်းနိုင်ထွန်းမှ သဘာဝဘေးဖြစ်ပေါ်လာပါက တပ်မတော်မှ ပူးပေါင်း ဆောင်ရွက်နိုင်မှုများအား ရှင်းလင်းပြောကြားခြင်း၊ မြို့နယ်သဘာဝဘေးအန္တရာယ်ဆိုင်ရာစီမံခန့်ခွဲမှုကော်မတီ ဥက္ကဌ၊ ဦးမြင့်ဆောင်မှ ရှင်းလင်းပြောကြားခြင်း၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ပခုက္ကူခရိုင်ဦးမှူးရုံး၊ လက်ထောက်ညွှန်ကြားရေးမှူး၊ ဦးနေဝင်းမှ ဇာတ်တိုက်လေ့ကျင့်ရခြင်း၏ ရည်ရွယ်ချက်အား ရှင်းလင်း ပြောကြားခဲ့ရာ အခမ်းအနားသို့ လွှတ်တော်ကိုယ်စားလှယ်များ၊ ဌာနဆိုင်ရာများ၊ တပ်မတော်သားများ၊ လူမှုရေးအသင်းအဖွဲ့များနှင့် ကျေးရွာသူ/သား (၄၈၂)ဦး တက်ရောက်ခဲ့ပါသည်။ ထို့နောက် မုန်တိုင်း ဘေးဖြစ် လာပါက အန္တရာယ်အကင်းဆုံးဖြစ်အောင် နေထိုင်နိုင်ရန် သဏ္ဍာန်တူ သရုပ်ပြလေ့ကျင့်ခြင်းကို ကျေးရွာ အတွင်း၌ ဆက်လက်ဆောင်ရွက်ခဲ့ရာ အန္တရာယ်ကင်းသည့်စုရပ်သို့ ဌာနဆိုင်ရာများ၊ တပ်မတော်သားများ၊ လူမှုရေးအသင်းအဖွဲ့များ၏ အကူအညီဖြင့် လေပြင်းဒဏ်ခံနိုင်သည့် အဆောက်အဦသို့ ရွှေ့ပြောင်းခြင်း၊ ရှာဖွေကယ်ဆယ်ရေးလုပ်ငန်းများ ဆောင်ရွက်ခြင်း၊ ဒဏ်ရာရကျေးရွာသူ/သားများအား ရှေးဦးပြုစုခြင်းနှင့် အရေးပေါ်လူနာများအား ဆေးရုံသို့ပို့ဆောင်ခြင်း စသည့်လေ့ကျင့်မှုများကို လက်တွေ့လေ့ကျင့် ဆောင်ရွက် ခဲ့ပါကြောင်း သတင်းရရှိပါသည်။