ရန်ကုန်၊ နိုဝင်ဘာ (၁၁)ရက်
ရခိုင်ပြည်နယ်အတွင်း လူသားချင်းစာနာမှု အကူအညီထောက်ပံ့ပေးရေး၊ ြပန်လည်နေရာချထားရေး၊ ဖွံ့ဖြိုးရေးစီမံကိန်း(UEHRD)၏လုပ်ငန်းများ ဆောင်ရွက်ရန်အတွက်(၁၁-၁၁-၂၀၁၇)ရက်နေ့တွင် ြမန်မာနိုင်ငံရှိခရစ်ယာန်အသင်းတော်များနှင့် အဖွဲ့အစည်းများက လှူဒါန်းငွေကျပ်(၅၁၁၅၇၀၀၀) ကို ရန်ကုန်မြို့ရှိ ြမန်မာနိုင်ငံခရစ်ယာန်အသင်းအဖွဲ့ချုပ်အစည်းအေ၀းခန်းမတွင် ပေးအပ်လှူဒါန်းရာ ခရစ်ယာန်အသင်းများမှ တာဝန်ရှိသူများက လှူဒါန်းရြခင်းအကြောင်းရင်းကို ရှင်းလင်းတင်ြပပြီးလူမှု၀န်ထမ်း၊ ကယ်ဆယ်ရေးနှင့်ပြန်လည်နေရာချထားရေး၀န်ကြီးဌာန၊ ပြည်ထောင်စု၀န်ကြီး ဒေါက်တာ၀င်းြမတ်အေးက လက်ခံရယူပြီး ကျေးဇူးတင်စကားြပန်လည်ပြောကြားရာတွင် (UEHRD)၏လုပ်ငန်းများကို ဆောင်ရွက်ရာ၌ လူမျိုးဘာသာအဆင့်အတန်းမရွေး ပါ၀င်ဆောင်ရွက်ရန်ြဖစ်ပါကြောင်း၊ဘေးဒုက္ခရောက်သူများကို ကူညီလှူဒါန်းခြင်းသည်ဘာသာတရားအရ မွန်မြတ်ပြီး ယခုလို ပါ၀င်လှူဒါန်းမှုအတွက်ကျေးဇူးတင်ရှိပါကြောင်းြေပာကြားကာ ဂုဏ်ပြုမှတ်တမ်းလွှာကို ပေးအပ်ခဲ့ပါသည်။
အဆိုပါလှုဒါန်းပွဲအခမ်းအနားသို့ ပြည်ထောင်စုလွှတ်တော်နာယက၊ အမျိုးသားလွှတ်တော် ဥက္ကဌ မန်း၀င်းခိုင်သန်း၊ ရန်ကုန်တိုင်းဒေသကြီးလွှတ်တော်ဥက္ကဌ ဦးတင်မောင်ထွန်း၊ ြမန်မာနိုင်ငံခရစ်ယာန်အသင်းအဖွဲ့များမှ ကိုယ်စားလှယ်များနှင့် တာ၀န်ရှိသူများ ပါ၀င်တက်ရောက် ကြပါသည်။
မွန်းလွဲပိုင်းတွင် ပြည်ထောင်စု၀န်ကြီးသည် UMFCCI တွင်ကျင်းပသည့် ြမန်မာနိုင်ငံ ကိုယ်အင်္ဂါမသန်စွမ်းသူများအသင်း၏ (၁၅)နှစ်မြောက်(သလင်းရတု) နှစ်ပတ်လည် အခမ်းအနားသို့ တက်ရောက်ပြီး အမှာစကားပြောကြားရာတွင် အစိုးရအဖွဲ့အနေဖြင့် မသန်စွမ်းသူများ၏ လိုအပ်ချက်များကို အားတက်သရော ဖြည့်ဆည်းဆောင်ရွက်ပေးလျက်ရှိရာ မသန်စွမ်းသူများဘက်ကလည်း ပူးပေါင်းပါ၀င်ပေးမှုအတွက် ကျေးဇူးတင်ရှိပါကြောင်း၊မသန်စွမ်းသူများအတွက် မူ၀ါဒ၊ ဥပဒေ၊ နည်းဥပဒေနှင့် လိုအပ်သောကော်မတီများကိုလည်း ဖွဲ့စည်းအတည်ပြုပေးပြီး အကောင်အထည်ဖော် ဆောင်ရွက်ရန် စီစဉ်ထားပါသဖြင့် မသန်စွမ်းများ၏အခွင့်အရေး အပြည့်အဝရရှိပြီး လူ့ဂုဏ်သိက္ခာနှင့် ညီညွှတ်သည့် ရှင်သန်ဖွံ့ဖြိုးတိုးတက်မှုများ ခံစားကြရမည် ြဖစ်ပါကြောင်း၊ ြမန်မာနိုင်ငံ၏ဒေသအချို့တွင် မိုင်းအန္တရာယ်ကြောင့်ကိုယ်လက်အင်္ဂါ စွန့်လွှတ်ခဲ့ရသူများရှိကြောင်း၊ ငြိမ်းချမ်းရေး လုပ်ငန်းစဥ်များ အောင်ြမင်လာသည်နှင့်အမျှ ထိုဒုက္ခများမှ ကင်းဝေးမည်ြဖစ်ပြီး မသန်စွမ်းဖြစ်မှုကိုလျော့ချနိုင်ပါကြောင်းနှင့် မသန်စွမ်းသူများ၏ရုပ်ပိုင်းဆိုင်ရာ၊ စိတ်ပိုင်းဆိုင်ရာ ဖွံ့ဖြိုးတိုးတက်မှု လုပ်ငန်းများကိုအကောင်အထည်ဖော်ရာတွင် ထိရောက်သော စီမံချက်များချမှတ်၍ ကြိုးပမ်းဆောင်ရွက်ရန် လိုအပ်ကြောင်းပြောကြားပြီးမသန်စွမ်းသုံးအထောက်အကူပြု ပစ္စည်းများကိုထောက်ပံ့ပေးအပ်ခဲ့ပါကြောင်း သတင်းရရှိပါသည်။