လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနသည် ရခိုင်ပြည် နယ်အတွင်း ဖြစ်ပွားခဲ့သည့် အကြမ်းဖက်ဖြစ်စဉ်များကြောင့် နေရပ်စွန့်ခွာသူများနှင့် လူသားချင်း စာနာထောက်ထားမှု အကူအညီလိုအပ်သူများအား ထောက်ပံ့ကူညီမှုများ ဆက်လက်ဆောင်ရွက် လျက်ရှိရာ မောင်တောမြို့နယ်၊ ရေနောက်ငါးသားကျေးရွာရှိ မြိုတိုင်းရင်းသားများအပါအဝင် တိုင်းရင်းသားပြည်သူ(၂၄၃) ဦးအတွက် မဝတ်လုံချည်(၂၀၀)ထည်၊ တီရှပ်(၂၀၀)ထည်နှင့် ခြင်ထောင် (၁၅၀) လုံးတို့ကို(၂၄-၁၀-၂၀၁၇)နေ့တွင် ထောက်ပံ့ပေးခဲ့ပါသည်။ အလားတူ ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ဒုတိယညွှန်ကြားရေးမှူးချုပ်နှင့် အဖွဲ့ဝင် များသည် မောင်တောမြို့နယ်၊ အလယ်သံကျော်ကျေးရွာ ပင်လယ်ကမ်းစပ်တွင် ယာယီနေထိုင် လျှက်ရှိသည့် ညောင်ချောင်းကျေးရွာ၊ သိန်းတောင်ပြင်၊ အာဂါတောင်၊ ပြိုင်းတောင်၊ ဖရုံချောင်း ကျေးရွာများမှ အစ္စလာမ်ဘာသာဝင် အိမ်ထောင်စုပေါင်း (၄၀၀)ခန့်၊ လူဦးရေ (၃၀၀၀) ကျော် တို့အား (၂၇-၁၀-၂၀၁၇)နေ့တွင် သွားရောက်တွေ့ဆုံခဲ့ပြီး နေထိုင်စားသောက်ရေး၊ ကျန်းမာရေး စသည့် ၎င်းတို့၏ လိုအပ်ချက်များကို တွေ့ဆုံမေးမြန်းခဲ့ပြီး လတ်တလော စားသောက်ရေး အတွက် ဆန်၊ ဆီ၊ ပဲ၊ ငါးသေတ္တာ၊ ခေါက်ဆွဲခြောက်နှင့် ကော်ဖီမစ်များကို ထောက်ပံ့ ကူညီခဲ့ပါသည်။
လူမှု၀န်ထမ်း၊ ကယ်ဆယ်ရေးနှင့် ပြန်လည်နေရာချထားရေး၀န်ကြီးဌာနအနေဖြင့် နေရပ်စွန့်ခွာသူများနှင့် လူသားချင်းစာနာထောက်ထားမှု အကူအညီလိုအပ်သူများအား ထောက်ပံ့ ကူညီမှုများဆက်လက် ဆောင်ရွက်လျက်ရှိကြောင်း သတင်းရရှိပါသည်။