မြန်မာနိုင်ငံအတွင်းဖြစ်ပွားလျက်ရှိသော ရေဘေးသင့်ပြည်သူများအတွက် အလှူငွေနှင့် ပစ္စည်းများကို နေပြည်တော်ရှိ အမျိုးသားသဘာ၀ဘေးအန္တရာယ် ဆိုင်ရာစီမံခန့်ခွဲမှုကော်မတီ၊ လူမှု၀န်ထမ်း၊ ကယ်ဆယ်ရေးနှင့် ပြန်လည်နေရာချထားရေး၀န်ကြီးဌာန၊ ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ တိုင်းဒေသကြီး / ပြည်နယ်ဦးစီးမှူးရုံးများသို့ လာရောက်လှူဒါန်းလျက်ရှိရာ (၃-၉-၂၀၁၅) ရက်နေ့တွင် နေပြည်တော် (ရုံးချုပ်)၊ အလှူခံဌာန၌ MPT မိုဘိုင်းဖုန်းသုံးစွဲသူ ရဟန်းရှင်လူမိဘပြည်သူများက SMS ဖြင့်ပေးပို့သည့် အလှူငွေကျပ် (၂၉၆၅,၃၀,၅၀၀/-)၊ Plan International Myanmar မှ ငွေကျပ် (၂၀,၀၀,၀၀၀/-) နှင့် Capital Life Insurance Co.,Ltd မှ ငွေကျပ် (၁၀,၀၀,၀၀၀/-)၊ Taiyo Life Insurance Co.,Ltd မှ ငွေကျပ် (၁၀၀,၀၀,၀၀၀/-) ကို မြန်မာ့စီးပွားရေးဘဏ်၊ နေပြည်တော်အလှူငွေစာရင်းအမှတ် (OA-011834) သို့ တိုက်ရိုက်ထည့်သွင်း လှူဒါန်းခဲ့ခြင်းအပါအ၀င် စုစုပေါင်းမြန်မာငွေကျပ် (၃၀၉၅,၃၀,၅၀၀/-) ကို လာရောက် လှူဒါန်းခဲ့ရာ အမျိုးသားသဘာ၀ဘေးအန္တရာယ်ဆိုင်ရာစီမံခန့်ခွဲမှုလုပ်ငန်းကော်မတီ၊ ဥက္ကဌ၊ လူမှု၀န်ထမ်း၊ ကယ်ဆယ်ရေးနှင့်ပြန်လည်နေရာချထားရေး၀န်ကြီးဌာန၊ ပြည်ထောင်စု၀န်ကြီး၊ ဒေါက်တာမြတ်မြတ်အုန်းခင်၊ အမျိုးသားသဘာ၀ဘေးအန္တရာယ်ဆိုင်ရာစီမံခန့်ခွဲမှုကော်မတီ၊ အတွင်းရေးမှူး၊ လူမှု၀န်ထမ်း၊ ကယ်ဆယ်ရေးနှင့် ပြန်လည်နေရာချထားရေး၀န်ကြီးဌာန၊ ဒုတိယ၀န်ကြီး ဦးဘုန်းဆွေမှ လက်ခံရယူကာ ဂုဏ်ပြုမှတ်တမ်းလွှာများ ပြန်လည်ပေးအပ်ခဲ့ပါသည်။
(၃-၉-၂၀၁၅) ရက်နေ့တွင် ကယ်ဆယ်ရေးနှင့် ပြန်လည်နေရာချထားရေးဦးစီဌာန၊ ရန်ကုန်တိုင်းဒေသကြီးဦးစီးမှူးရုံး (RCC) ၌ ငွေကျပ် (၁၅၄,၀၀,၀၀၀/-) လက်ခံရရှိပါ သည်။ သို့ဖြစ်ပါ၍ (၂၉-၇-၂၀၁၅) ရက်နေ့မှ (၃-၉-၂၀၁၅) ရက်နေ့အထိ အလှူရရှိငွေ စုစုပေါင်းမှာ ကျပ် (၃၀၉၂၉,၅၅,၇၄၃/-)၊ အမေရိကန်ဒေါ်လာ (၁၂၅၉၀၈၂.၂၆)၊ ထိုင်းဘတ် (၁၆၈၀၅၅)၊ မလေးရှားရင်းဂစ် (၂၀၀၀)၊ တရုတ်ယွမ်(၁၃၆၀၀)၊ ယူရို(၄၂၀)၊ ဂျပန်ယန်း(၂၉၆၀၀၀)၊ သြစတြေးလျဒေါ်လာ (၅၇၀)၊ စင်္ကာပူဒေါ်လာ (၁၀၀၀) ဖြစ်ပါသည်။ လက်ခံရရှိသော အလှူငွေနှင့်ပစ္စည်းများကို ရေဘေးသင့်ပြည်သူများသို့ ထောက်ပံ့လျက်ရှိပါကြောင်း သတင်းရရှိပါသည်။
အလှူငွေလက်ခံရရှိမှုစာရင်းအား အောက်ပါဇယားတွင် လေ့လာနိုင်ပါသည်-