၁။ စစ်ကိုင်းတိုင်းဒေသကြီးအတွင်းရှိ ကလေး၊ ဂန့်ဂေါနှင့် ချင်းပြည်နယ်အတွင်းရှိ ဟားခါး၊ ဖလမ်း၊ တီးတိန်၊ တွန်းဇံ၊ မတူပီ၊ မင်းတပ်မြို့များတွင် ၂၁၀၇ ခုနှစ်၊ စင်တင်ဘာလ (၁၇) ရက်နေ့မှ (၁၉)ရက်နေ့အထိ မိုးရေချိန် (၁) လက်မမှ (၂) လက်မအထက်ရွာသွန်းခဲ့ခြင်းကြောင့် ကလေးမြို့နယ်ရှိ ရပ်ကွက်/ကျေးရွာ(၂၂)ခုတွင် ရေလွှမ်းမိုးမှုဖြစ်ပွားခဲ့ရာ(၁၉)ရက်နေ့ ညနေပိုင်းမှစတင်ကာ ရွှေ့ပြောင်းမှု များပြုလုပ်ခဲ့ရပြီး (၂၀-၉-၂၀၁၇)ရက်နေ့နံနက်ပိုင်းထိ အိမ်ထောင်စု (၂၂၄၁)စုမှ လူဦးရေ(၁၀၁၉၈)ဦး အား သတ်မှတ် နေရာများသို့ ဘေးကင်းစွာရွှေ့ပြောင်းပေးခဲ့ပါသည်။
၂။ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနအနေဖြင့် (၂၀-၉-၂၀၁၇) နေ့မှစတင်ကာ ရေဘေးရှောင်အိမ်ထောင်စု(၂၂၄၁)စု၊ လူဦးရေ(၁၀၁၉၈)ဦးအတွက် ဆန်(၇)ရက်စာ ထောက်ပံ့ငွေ(၂၁၄၁၅၈၀၀ိ/-)နှင့် ရေဘေးကြောင့်ဖျက်သိမ်းခဲ့ရသည့် လူနေအိမ်(၁၂)လုံးအတွက် တစ်အိမ်လျှင်(၁)သိန်းနှုန်းဖြင့် ထောက်ပံ့ငွေ(၁၂၀၀၀၀၀ိ/-)တို့ကို ထောက်ပံ့ပေးအပ်ခဲ့ကြောင်း၊ အလားတူ ကလေးဝမြို့နယ်ရှိ ချောင်းကျဉ်းနှင့် သစ်ချောက်ကျေးရွာတို့မှ ရေဘေးရှောင်အိမ်ထောင်စု (၆၅)စုမှ လူှုဦးရေ(၂၇၀)ဦးအတွက် ဆန်(၇)ရက်စာထောက်ပံ့ငွေ (၅၆၇၀၀၀ိ/-)ကို ထောက်ပံံ့ပေးခဲ့ ကြောင်း၊ ကယ်ဆယ်ရေးနှင့် ပြန်လည်နေရာချထားရေးဦးစီးဌာန ဒုတိယညွှန်ကြားရေးမှူးချုပ်နှင့် အဖွဲ့ဝင်များသည် (၂၁-၉-၂၀၁၇) ရက်နေ့တွင် တိုင်းဒေသကြီး ဝန်ကြီးချုပ်နှင့်အတူလိုက်ပါ၍ ရေဘေးသင့်ကျေးရွာများအား လိုက်လံကြည့်ရှုခြင်း၊ ရေဘေးရှောင်စခန်းများရှိ ပြည်သူများကို အားပေးစကားပြောကြားခြင်းနှင့် လိုအပ်သည်များညှိနှိုင်းပေးခြင်းတို့ကိုဆောင်ရွက်ခဲ့ပါသည်။
၃။ ကလေးမြို့နယ်သည် ကလေးလွင်ပြင်ဒေသတွင်တည်ရှိပြီး ကလေးလွင်ပြင်သို့ မြောက်ဘက် တွင် နေရဥ္စရာမြစ်ဝင်ရောက်ပြီး တောင်ဘက်တွင် မြစ်သာမြစ်ဝင်ရောက်ကာ ကလေးမြို့နှင့် (၃)မိုင်ခန့် အကွာ အရှေ့ဘက်တွင် မြစ်(၂)ခုပေါင်းဆုံပြီး မြစ်သာမြစ်အဖြစ် ချင်းတွင်းမြစ်အတွင်းသို့ စီးဝင်ပါ သည်။ မိုးသည်းထန်စွာရွာသွန်းပါက မြစ်သာမြစ်နှင့် နေရဥ္စရာမြစ်တို့မှရေများ ကလေးမြို့သို့ ဝင်ရောက်လာပြီး ချင်းတွင်းမြစ်ရေမှာလည်း မြင့်တက်လျက်ရှိခြင်းကြောင့် ရေကြီးရေလျှံခြင်းများ ဖြစ်ပေါ်ခြင်းဖြစ်ကြောင်း၊ (၂၁-၉-၂၀၁၇)နေ့ (၁၅း၀၀)အချိန်မှစတင်ကာ ရေများတဖြည်းဖြည်း ကျဆင်းခဲ့ပြီး (၂၃-၉-၂၀၁၇)နေ့ နံနက်ပိုင်းတွင် ရေများပြန်လည်ကျဆင်းသွားပြီဖြစ်သောကြောင့် လူနေအိမ်များ၊ စျေးဆိုင်ခန်းများ၊ လမ်းတံတားများကို သန့်ရှင်းရေးဆောင်ရွက်လျက်ရှိပြီး (၂၃-၉-၂၀၁၇)နေ့ ညနေပိုင်းမှစတင်ကာ ရေဘေးရှောင်စခန်းများတွင် ရောက်ရှိခိုလှုံလျက်ရှိသော ပြည်သူများသည် မိမိနေရပ်များသို့ ပြန်လည်ပြောင်းရွှေ့နေပြီ ဖြစ်ကြောင်း သိရှိရပါသည်။