ကယ်ဆယ်ရေးနှင့်ပြန်လည်နေရာချထားရေးဦးဌာန၊ ဟင်္သာတခရိုင်ဦးစီးမှူးရုံးမှ တာဝန်ရှိသူများသည် ဟင်္သာတ ခရိုင်အတွင်း အင်္ဂပူမြို့နယ်၊ စစ်ကုန်းအုပ်စု၊ ခွေတောက်ချောင်းအုပ်စုတို့မှ သဒ္ဓမ္မကျွန်းရွာ၊ ရွှေပြည်သာရွာနှင့် နံကပ် ကျေးရွာတို့တွင် ဖြစ်ပွားသော ကမ်းပြိုဘေးအတွက် ဘေးသင့်အိမ်ထောင်စု (၁၄) စု၊ လူဦးရေ (၅၃) ဦးတို့အတွက် ကယ်ဆယ်ရေးပစ္စည်း (၄) မျိုး၊ ဆန်ရက္ခာဖိုးငွေ (၁၁၁,၃၀၀) ကျပ်နှင့် အိမ်ဆောက်ပစ္စည်းဖိုးငွေ (၁,၄၀၀,၀၀၀) ကျပ်၊ တို့အား (၂၂-၈-၂၀၁၇) ရက်နေ့တွင် ဘေးသင့်ပြည်သူများ လက်ဝယ်သို့ ထောက်ပံ့ ပေးအပ်ခဲ့ကြောင်း သတင်းရရှိပါ သည်။
Source: ဟင်္သာတခရိုင်ဦးစီးမှူးရုံး(ကဆရ)