လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး၊ အမျိုးသားသဘာဝဘေးအန္တရာယ်ဆိုင်ရာစီမံခန့်ခွဲမှုလုပ်ငန်းကော်မတီဥက္ကဋ္ဌ၊ ဒေါက်တာမြတ်မြတ်အုန်းခင်သည် သြဂုတ်လ (၂၇) ရက်နေ့၊ နံနက် (၀၈:၃၀) နာရီအချိန်တွင် ကုလသမဂ္ဂဖွံ့ဖြိုးရေးအစီအစဉ်အဖွဲ့အစည်း၏ လက်ထောက်ညွှန်ကြားရေးမှူးချုပ်နှင့် အရေးပေါ်တုံ့ပြန်မှုဌာန၊ ညွှန်ကြားရေးမှူးဖြစ်သူ Ms.Izumi Nalamitsu ဦးဆောင်သည့် ကိုယ်စားလှယ်အဖွဲ့အား အဆိုပါဝန်ကြီးရုံး၊ မေခလာခန်းမ၌ လက်ခံတွေ့ဆုံပြီး အျိုးသားသဘာဝဘေးအန္တရာယ်စီမံခန့်ခွဲမှုကော်မတီ၏ ဦးဆောင်မှုဖြင့် စီမံခန့်ခွဲမှုကော်မတီနှင့် ပြန်လည်ထူထောင်မှုလုပ်ငန်းညှိနှိုင်းရေးလုပ်ငန်းကော်မတီတို့၏ ဆောင်ရွက်နေမှု၊ အရေးပေါ်လုပ်ငန်းစင်တာနှင့် ပြန်လည်ထူထောင်ရေးစီမံကိန်းများရေးဆွဲရေးဖိုရမ်တို့ကို ဖွင့်လှစ်ဆောင်ရွက်နေမှု၊ ရေကြီးရေလျှံမှုများကြောင့် ထိခိုက်ပျက်စီးဆုံးရှုံးမှုများနှင့် ဝန်ကြီးဌာနအနေဖြင့် ငွေထောက်ပံ့မှုနှင့် အလှူငွေလက်ခံရရှိမှု၊ အမြန်ဆုံးပြန်လည်ထူထောင်နိုင်ရေးအတွက် လူသားချင်းစာနာထောက်ထားမှုဆိုင်ရာအကူအညီပေးနိုင်မှုများနှင့် လိုအပ်သောလုပ်ငန်းစဉ်များ၊ မြန်မာနိုင်ငံလူမှုကာကွယ်စောင့်ရှောက်ရေးဆိုင်ရာ အမျိုးသားအဆင့်မဟာဗျူဟာစီမံချက်ပါ ဘေးသင့်ပြည်သူများအား လူမှုကာကွယ်စောင့်ရှောက်ရေးဆောင်ရွက်ပေးမှုအခြေအနေနှင့် ဘေးသင့်ပြည်သူများအား စိတ်-လူမှုရေးဆိုင်ရာ ဖြေသိမ့်အားပေးကူညီခြင်းလုပ်ငန်းများ၊ မြန်မာနိုင်ငံရှိ တစ်ခုတည်းရှိသော ဟင်္သာတမြို့သဘာဝဘေးစီမံခန့်ခွဲမှုသင်တန်းကျောင်းဖွင့်လှစ်ပြီးပါက သင်တန်းနည်းပြများ၊ သင်ထောက်ကူပစ္စည်းများ၊ နည်းပညာနှင့် အကူအညီပေးနိုင်မှုများနှင့် စပ်လျဉ်း၍ အဖွဲ့အစည်း (၂) ခုအကြား ရင်းနှီးပွင့်လင်းစွာ ဆွေးနွေးခဲ့ပါသည်။

ဆက်လက်၍ ရေဘေးသင့်ပြည်သူများအတွက် မန်စီပြည်နယ်၊ ပြည်သူ့လွှတ်တော်ကိုယ်စားလှယ်၊ ဦးထွန်းထွန်းနှင့် ဇနီး ဒေါ်ဝေဝေ မိသားစုမှ သိန်း (၁၀၀) ကို လှူဒါန်းရာ ပြည်ထောင်စုဝန်ကြီးမှ လက်ခံရယူပြီး ဂုဏ်ပြုမှတ်တမ်းလွှာ ပြန်လည်ပေးအပ်ခဲ့ကြောင်း သိရှိရပါသည်။