ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ပခုက္ကူခရိုင်ဦးစီးမှူးရုံးမှ တာဝန်ရှိသူများသည် (၇-၇-၂၀၁၇)ရက်နေ့မှ (၁၁-၇-၂၀၁၇)ရက်နေ့အထိ ချင်းတွင်းမြစ်ရေတိုက်စားမှုကြောင့် မိုးကွဲအုပ်စု၊ ချင်းယားကျေးရွာ၌ ကမ်းပြိုမှုဖြစ်ပွားခဲ့ရာ ကမ်းပြိုဘေးသင့်အိမ်ခြေ (၁၀) လုံး၊ အိမ်ထောင်စု (၁၀) စု၊ လူဦးရေ (၅၆) ဦးအတွက် ဆန်ရိက္ခာ(၇)ရက်စာတန်ဖိုးငွေကျပ် (၁၁၇,၆၀၀)၊ အိမ်ထောင်စု (၁၀)စုစာ ကယ်ဆယ်ရေးပစ္စည်း(၉)မျိုး၊ အိမ်ဆောက်ပစ္စည်းတန်ဖိုးငွေကျပ် (၁,၀၀၀,၀၀၀)၊ စုစုပေါင်းတန်ဖိုးငွေကျပ် (၁,၁၁၇,၆၀၀)တို့အား (၁၄-၇-၂၀၁၇) ရက်နေ့တွင် သွားရောက်ထောက်ပံ့ခဲ့ကြောင်းသတင်းရရှိပါသည်။