• (၃၀-၅-၂၀၁၇)နေ့တွင်ဆိုင်ကလုန်းမုန်တိုင်း”မိုရာ”တိုက်ခတ်မှုကြောင့် (၂-၆-၂၀၁၇)နေ့တွင် ရရှိသည့် သတင်းအချက် အလက်များအရ ထိခိုက်ပျက်စီးမှုအခြေအနေများမှာ-
  • ရခိုင်ပြည်နယ်တွင်-

–     စစ်တွေ၊ မြောက်ဦး၊ မင်းပြား၊ မြေပုံ၊ ကျောက်တော်၊ ကျောက်ဖြူ၊ ရမ်းဗြဲ၊ မာန်အောင်၊ ရသေ့တောင်၊ ပေါက်တော၊ သံတွဲ၊ ပုဏ္ဏားကျွန်း၊ မောင်တော၊ ဘူးသီးတောင်နှင့် တောင်ကုတ် မြို့နယ်များတွင် မုန်တိုင်းဒဏ်ကိုခံစားခဲ့ရပြီးစုစုပေါင်းအိမ်(၁၅၇၃၇)လုံးဘာသာရေးအဆောက်အဦ(၄၈၃)လုံး၊ရုံးအဆောက်အဦး(၃၂)လုံး၊ ၀န်ထမ်းအိမ်ရာ(၁၈)လုံး၊ ဆေးရုံ/ဆေးခန်း(၂၇)ခု၊ စာသင်ကျောင်း(၃၂၂)ကျောင်း၊ IDP Camp (၅)ခု၊ စားသောက်ဆိုင်(၇)ဆိုင်၊ ဆန်စက်(၄)လုံးတို့ ထိခိုက်ပျက်စီးခဲ့ပြီးဓါတ်တိုင်များလဲပြိုခြင်းများဖြစ်ပွားခဲ့ပါသည်။

• ချင်းပြည်နယ်တွင်-

• ဟားခါး၊ ထန်တလန်၊ ဖလမ်း၊ တီးတိန်၊ တွန်းဇံ၊ ရိဒ်၊ ပလက်၀၊ မတူပီမြို့နယ်များတွင် မုန်တိုင်းဒဏ်သက်ရောက်မှုများခံစားခဲ့ရပြီးစုစုပေါင်းအိမ်(၃၆၅)လုံး၊ ဘာသာရေးအဆောက်အဦ(၁၂)လုံး၊ ၀န်ထမ်းအိမ်ရာ(၂၃)လုံး၊ ဆေးရုံ/ဆေးခန်း(၁)ခု၊ စာသင်ကျောင်း(၁၅)ကျောင်းတို့ ထိခိုက်ပျက်စီးခဲ့ပြီး လူ(၁)ဦးသေဆုံးခဲ့ပါသည်။
  • ဧရာ၀တီတိုင်းဒေသကြီးတွင်-
• မော်လမြိုင်ကျွန်း၊ ဖျာပုံ၊ ငပုတော၊ ဓနုဖြူ၊ ကြံခင်း၊ မြန်အောင်၊ ဘိုကလေးမြို့နယ်များတွင်မုန်တိုင်းဒဏ်သက်ရောက်မှုများခံစားခဲ့ရပြီးစုစုပေါင်းအိမ်(၁၇၂)လုံး၊ ဆန်စက်(၂)လုံး၊ အခြားအဆောက်အဦ(၄)လုံးတို့ထိခိုက်ပျက်စီးခဲ့ပါသည်။
• သက်ဆိုင်ရာတိုင်းဒေသကြီး/ပြည်နယ်အစိုးရအဖွဲ့များအနေဖြင့် ထိခိုက်ပျက်စီးမှုအခြေအနေများကိုဆက်လက်စိစစ်အတည်ပြုဆဲဖြစ်ကြောင်းလည်းသိရှိရပါသည်။
• အမျိုးသားသဘာ၀ဘေးအန္တရာယ်ဆိုင်ရာ စီမံခန့်ခွဲမှုကော်မတီ၏ ဦးဆောင်လမ်းညွှန်မှုဖြင့် ရှာဖွေကယ်ဆယ်ခြင်း၊ အပျက်အစီးများရှင်းလင်းဖယ်ရှားခြင်းနှင့် လိုအပ်သည့် ပြန်လည်ထူထောင်ရေးလုပ်ငန်းများကိုဆောင်ရွက်လျက်ရှိပြီး လူမှု၀န်ထမ်း၊ ကယ်ဆယ်ရေးနှင့်ပြန်လည်နေရာချထားရေး၀န်ကြီးဌာနအနေဖြင့်လည်းမုန်တိုင်းဘေးဒဏ်ခံစားခဲ့ရသည့် ဘေးသင့်ပြည်သူများအတွက် ကူညီထောက်ပံ့မှုများဆောင်ရွက်လျက်ရှိရာစုစုပေါင်းကျပ်(၄၆၃.၀၂၅)သိန်းထောက်ပံ့ပြီးဖြစ်ကြောင်းနှင့် ထောက်ပံ့မှုများဆက်လက်ဆောင်ရွက်လျက်ရှိကြောင်းသိရှိရပါသည်။