မြန်မာနိုင်ငံတစ်ဝှမ်း သဘာဝဘေးဒဏ်ကြံ့ကြံ့ခံနိုင်ပြီး ရေရှည်တည်တံ့သော ဖွ့ံဖြိုးတိုးတက်မှုရရှိစေ ရေးအတွက် လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနသည် အခြားဆက်နွယ် ပတ်သတ်သူများနှင့် အတူလက်တွဲပူးပေါင်းဆောင်ရွက်လျှက်ရှိပါသည်။၂၀၁၇ ခုနှစ် မိုးကြိုကာလတွင် ဖြစ်ပွားလေ့ရှိသော မိုးတိမ်တောင်နှင့် စိုက်ဆင်းလေပြင်းတို့ကြောင့် ထိခိုက်ဆုံးရှုံးမှုများလျော့နည်း သက်သာစေရေးအတွက် ဆောင်ရွက်မှုတစ်ခုအနေဖြင့် နှစ်စဉ်ဆုံးရှုံးမှုများပြားခဲ့သည့် မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ မကွေးတိုင်းဒေသကြီးနှင့် ရှမ်းပြည်နယ်တို့ရှိမြို့နယ်အချို့တွင် အိုးအိမ်များလေပြင်းဒဏ် ပိုမိုခံနိုင်ရည်ရှိစေရေးပြင်ဆင်အားဖြည့်ခြင်းများကို ဆောင်ရွက်ခဲ့ပြီး တစ်နိုင်ငံလုံးအတိုင်းအတာဖြင့် လေပြင်းဘေးကြိုတင်ကာကွယ်ရေး အသိပညာပေးလှုပ်ရှားမှုများအား လူမှုရေးအဖွဲ့အစည်းများ၊ ပြည်သူများဖြင့်ပူးပေါင်းဆောင်ရွက်ခဲ့သည့်နည်းတူမိုးတွင်းကာလတွင်ရေကြီး/ရေလျှံမှုကြောင့်ဆုံးရှုံးထိခိုက်မှုလျော့နည်းစေရေးလိုအပ်သည့်ကြိုတင်ပြင်ဆင်မှုများစတင်ဆောင်ရွက်လျှက်ရှိပါသည်။

ယင်းကဲ့သို့ကြိုတင်ပြင်ဆင်မှုလုပ်ငန်းတစ်ရပ်အနေဖြင့် နှစ်စဉ်ရေဘေးကြုံတွေ့နေရသည့် ကောလင်းဒေသတွင်ရေဘေးကြိုတင်ပြင်ဆင်ရေးအလုပ်ရုံဆွေးနွေးပွဲအားကယ်ဆယ်ရေးနှင့်ပြန်လည်နေရာချထားရေးဦးစီးဌာန ညွှန်ကြားရေးမှူးချုပ် ဒေါက်တာကိုကိုနိုင်၊ ကောလင်းမြို့နယ် ပြည်သူ့လွှတ်တော် ကိုယ်စားလှယ် ဦးမျိုးဇော်အောင်တို့မှဦးဆောင်၍ တိုင်းဒေသကြီးလွှတ်တော်ကိုယ်စားလှယ်များ၊ တိုင်းဒေသကြီးနှင့်ခရိုင်အဆင့်ဌာနဆိုင်ရာများ၊ မြို့မိမြို့ဖများ၊ သဘာဝဘေးအန္တရာယ် စီမံခန့်ခွဲမှုကော်မတီဝင်များ၊ မြို့နယ််အဆင့်ဌာနဆိုင်ရာများ၊ လူမှုရေးအသင်းအဖွဲ့များ၊ သဘာဝဘေးအန္တရာယ်စီမံခန့်ခွဲမှု လုပ်ငန်းများတွင်ပါဝင်ဆောင်ရွက် နေသူများစုစုပေါင်း (၂၃၄) ဦးပါဝင်တက်ရောက်ကာ(၁၅-၅-၂၀၁၇)ရက်နေ့မှ(၁၆-၅-၂၀၁၇)ရက်နေ့အထိကောလင်းမြို့၊ ဇာတိမာန်ခန်းမတွင်ပြုလုပ်လျှက်ရှိပါသည်။အလုပ်ရုံဆွေးနွေးပွဲတွင် တာဝန်ရှိသူအသီးသီးမှ နိုင်ငံတော်အဆင့်၊ တိုင်းဒေသကြီးအဆင့်၊ မြို့နယ်အဆင့် သဘာဝဘေးအန္တရာယ်စီမံခန့်ခွဲမှုလုပ်ငန်းများဆောင်ရွက်မှု၊ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချ ထားရေးဝန်ကြီးဌာန၊ ကယ်ဆယ်ရေးနှင့်ပြန်လည်နေရာချထားရေးဦးစီးဌာနမှ လုပ်ငန်းဆောင်ရွက်ပေးနေမှု၊ စစ်ကိုင်းတိုင်းဒေသကြီးအတွင်းရှိ ရေအရင်းအမြစ်နှင့်မြစ်ချောင်းများ ဖွံ့ဖြိုးတိုးတက်ရေးဦးစီးဌာန၊ ဆည်မြောင်း ဦးစီးဌာန၊စည်ပင်သာယာရေးအဖွဲ့၊ကျေးလက်ဒေသဖွံ့ဖြိုးတိုးတက်ရေးဦးစီးဌာန၊လမ်းဦးစီးဌာန၊အမှတ်(၂)သတ္တုတွင်းလုပ်ငန်းတို့မှ ကောလင်းဒေသဖွံ့ဖြိုးတိုးတက်ရေးအတွက် ဆောင်ရွက်ပေးနေမှုများနှင့် သဘာဝဘေးအန္တရာယ်ခံစားရမှုလျော့ပါးရေးထည့်သွင်းစဉ်းစားဆောင်ရွက်မှုများ အားတင်ပြခဲ့ကြပြီး တက်ရောက်လာသူများမှ အုပ်စုခွဲ၍ ကောလင်းဒေသရေဘေးဖြစ်ပွားမှု၏ အဓိကအကြောင်းအရင်း၊ စိန်ခေါ်မှုများနှင့် ဖြေရှင်းနိုင်မည့်နည်းလမ်းများ၊ ကောလင်းဒေသရေဘေးကြိုတင်ပြင်ဆင်ရေး လုပ်ငန်းစဉ်များ၊ စိန်ခေါ်မှုများနှင့်ဖြေရှင်းနိုင်မည့်နည်းလမ်းများ၊ ကောလင်းဒေသရေဘေးကြောင့် ထိခိုက်ဆုံးရှုံးမှု လျော့နည်းသက်သာစေရေးအတွက် ဆောင်ရွက်ရမည့်နည်းလမ်းများနှင့် စိန်ခေါ်မှုများ၊ လူမှုရေး အဖွဲ့အစည်းများအပါအဝင် ပြည်သူလူထုနှင့်ပူးပေါင်းဆောင်ရွက်ရန်နည်းလမ်းများနှင့် စိန်ခေါ်မှုများအား ဆွေးနွေးဖော်ထုတ်ဆောင်ရွက်ခဲ့ကြကြောင်း သတင်းရရှိပါသည်။