ကမ္ဘာအော်တစ်ဇင် အမှတ်တရနေ့အခမ်းအနားကို ရန်ကုန်တိုင်းဒေသကြီး၊ ပြည်သူ့ရင်ပြင်၊ တော်ဝင်နှင်းဆီကွင်း၌ (၂-၄-၂၀၁၇) ရက်နေ့၊ ညနေပိုင်းက ကျင်းပပြုလုပ်ရာ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေး၊ အမျိုးသားဒီမိုကရေစီအဖွဲ့ချုပ်၊ နာယက သူရဦးတင်ဦး၊ ကမ္ဘောဇအနာဂါတ်အလင်းတန်းဖောင်ဒေးရှုင်း ဥက္ကဌ ဒေါ်နမ်းလိုင်းခမ်းတို့မှ ဖဲကြိုးဖြတ် ဖွင့်လှစ်ပေးပါသည်။
ယင်းနောက် ပြည်ထောင်စုဝန်ကြီးက အဖွင့်အမှာစကား‌ြပောကြားရာ အော်တစ်ဇင်နှင့်ပတ်သက်၍ အသိနည်းနေသေးသည်ကို တွေ့ရှိရပါကြောင်း၊ ပြည်သူ့အကျိုးကို ထိရောက်စွာ ဖြည့်ဆည်းပေးနိုင်ရေးအတွက် မိမိတို့အစိုးရအဖွဲ့၊ ဝန်ကြီးဌာနအနေဖြင့် ဥပဒေ၊ နည်းဥပဒေများ၊ မူဝါဒအသစ်များ ချမှတ်၍ လူမှုကာကွယ်စောင့်ရှောက်ရေးနည်းလမ်းများဖြင့် အကောင်အထည်ဖော်ဆောင်ရွက်လျက်ရှိပါကြောင်း၊ မသန်စွမ်းအမျိုးအစား(၄)မျိုးရှိရာတွင် မိမိတို့ ဘာပဲလုပ်လုပ် မသန်စွမ်းများအတွက် ထည့်သွင်းစဉ်းစားဆောင်ရွက်ပါကြောင်း၊ ခေတ်စနစ်နှင့် ကိုက်ညီစေရန် ကလေးသူငယ်အခွင့်အရေးများဆိုင်ရာ ဥပဒေကိုလည်း ပြင်ဆင် ရေးဆွဲလျက်ရှိပါကြောင်း၊ မသန်စွမ်းသူများ အခွင့်အရေးဥပဒေကို ပြဌာန်းပြီးဖြစ်၍ နည်းဥပဒေများ ပြဌာန်းနိုင်ရေး ဆောင်ရွက်လျက်ရှိပါကြောင်း၊ အော်တစ်ဇင်ကလေးများနှင့်ပတ်သက်၍ အခွင့်အရေးများဖော်ထုတ်ပေးရမည်ဖြစ်ကြောင်း၊ မိမိတို့ဝန်ကြီးဌာနအနေဖြင့် အော်တစ်ဇင်ကလေးများကို အထူးစောင့်ရှောက်ရန် လိုအပ်သော ကလေးများဟု ခေါင်းစဉ်တပ်ပြီး ပြုစုစောင့်ရှောက်ပျိုးထောင်၍ ပါဝင်ခွင့်ရရှိအောင် ဆောင်ရွက်လျက်ရှိပါကြောင်း၊ ဆောင်ရွက်ပေးနိုင်မှုနေရာများ တိုးချဲ့ဆောင်ရွက်သွားမည် ဖြစ်ကြောင်း၊ မိဘများကိုလည်း အသိပညာပေးရန် လိုအပ်ပြီး ပြည်သူများ ပူးပေါင်းပါဝင် ဆောင်ရွက်ဖို့လိုပါကြောင်း၊ မိမိတို့ဌာနက အော်တစ်ဇင်နှင့်ပက်သက်၍ သုတေသနလုပ်ငန်းများကိုလည်း ဆောင်ရွက်နေပါကြောင်း၊ အဓိကအရေးကြီးသည့် ရှေးဦးအရွယ်ကလေးသူငယ်ဖွံ့ဖြိုးရေးအ‌ြခေအနေတိုင်းတာစစ်ဆေးမှုနှင့် ပြန်လည်ထူထောင်ရေး (Early Childhood Intervention – ECI) ကိုလည်း ဆောင်ရွက်ဖို့ စီစဉ်ထားရှိပြီးဖြစ်ပါကြောင်း၊ ထိုသို့ဆောင်ရွက်ရာတွင် အော်တစ်ဇင်‌ရောဂါနှင့်ပတ်သက်၍ စောစီးစွာသိရှိပြီး ကြိုတင်ပြုပြင်ပြုစုနိုင်သော နည်းလမ်းများကို ဖော်ထုတ်ဆောင်ရွက်လျက်ရှိကြောင်း၊ မိမိတို့ပြည်သူ့အစိုးရသည် ပြည်သူနှင့်အတူ အစဉ်အမြဲပူးပေါင်းပါဝင်ဆောင်ရွက်ခြင်းဖြင့် လူ့ဂုဏ်သိက္ခာနှင့်ပြည့်စုံသော လူမှုအသိုက်အဝန်းတစ်ရပ်ကို ပေါ်ထွန်းလာစေမည် ဖြစ်ပါကြောင်း ‌ြပောကြားပါသည်။
ယင်းနောက် အမျိုးသားဒီမိုကရေစီအဖွဲ့ချုပ်၊ နာယက သူရဦးတင်ဦးက အော်တစ်ဇင်ကလေး များကို အားပေးစကား‌ြပောကြားပါသည်။ ဆက်လက်၍ အော်တစ်ဇင်ကလေးများ လမ်းလျှောက်ပွဲကို ကြည့်ရှုအားပေးပြီး ကလေးများအား အမှတ်တရ လက်ဆောင်များ ပေးအပ်ကာ ကလေးများ၏ ဖျော်‌ြဖေပွဲအား ကြည့်ရှုအားပေးခဲ့ပါကြောင်း သိရှိရပါသည်။