မြန်မာ-ထိုင်း ရွှေ့ပြောင်းသွားလာခြင်းကြောင့် ထိခိုက်နစ်နာသည့် ကလးသူငယ်များအား အကာအကွယ်ပေးခြင်းဆိုင်ရာ ပူးပေါင်းဆောင်ရွက်ရေး နားလည်မှု စာချွန်လွှာ ရေးထိုးရေးဆွေးနွေးပွဲကျင်းပမှုသတင်း

၁၂.၅.၂၀၂၁ ၊ နေပြည်တော်

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဝန်ကြီးရုံးအစည်းအဝေးခန်းမတွင် ကျင်းပသော မြန်မာ-ထိုင်း ရွှေ့ပြောင်း သွားလာခြင်းကြောင့် ထိခိုက်နစ်နာသည့် ကလေးသူငယ်များအား အကာအကွယ်ပေးခြင်းဆိုင်ရာ ပူးပေါင်းဆောင်ရွက်ရေး နားလည်မှုစာချွန်လွှာရေးထိုး နိုင်ရေးဆောင်ရွက်မှု ရှင်းလင်းတင်ပြခြင်း အစည်းအဝေးကို ပြည်ထောင်စုဝန်ကြီး ဒေါက်တာသက်သက်ခိုင်ဦးဆောင်၍ ယနေ့နံနက်ပိုင်းတွင် ကျင်းပ ဆောင်ရွက်ခဲ့ပါသည်။

ပြည်ထောင်စုဝန်ကြီးက အဖွင့်အမှာစကားပြောကြားရာတွင် ယခုကဲ့သို့ မြန်မာနှင့် ထိုင်း နှစ်နို်ငငံတို့အကြား ရွှေ့ပြောင်းသွားလာခြင်းကြောင့် ထိခိုက်နစ်နာသည့် ကလေးသူငယ်များအား အကာအကွယ်ပေးခြင်းဆိုင်ရာ ပူးပေါင်းဆောင်ရွက်ရေး နားလည်မှုစာချွန်လွှာ လက်မှတ်ရေးထိုးနိုင်ရေး ဆောင်ရွက်ခြင်းသည် မြန်မာရွှေ့ပြောင်းကလေးများအတွက် များစွာအကျိုးရှိပါကြောင်း၊ ထိုင်းနိုင်ငံသည် မြန်မာနိုင်ငံနှင့် ရှည်လျားစွာထိစပ်လျက်ရှိသော အိမ်နီးချင်းနိုင်ငံဖြစ်သည့်အပြင် စီးပွားရေးအရ အထိုက်အလျောက်တိုးတက် ဖွံ့ဖြိုးသောနိုင်ငံဖြစ်သည့်အတွက် မြန်မာရွှေ့ပြောင်း အလုပ်သမားအများဆုံး သွားရောက် အလုပ်လုပ်ကိုင်လျက်ရှိကြောင်း၊ ရွှေ့ပြောင်းအလုပ် သမားများနှင့်အတူ ပါရှိသွားသောကလေးများ၊ ထိုင်းနိုင်ငံတွင် မွေးဖွားသော မြန်မာ ကလေးများနှင့် ရွှေ့ပြောင်းသွားလာခြင်းကြောင့် ထိခိုက်ခံစားရသောကလေးများ၏ ပညာရေး၊ ကျန်းမာရေး အစရှိသော အခြေခံအခွင့်အရေးများ အပြည့်အဝရရှိရန် ခက်ခဲနိုင်သကဲ့သို့ မမြင်နိုင်သောထိခိုက် နစ်နာမှုများလည်းရှိနိုင်ပါကြောင်း၊ မြန်မာ-ထိုင်း နှစ်နိုင်ငံသည် အာဆီယံအဖွဲ့ဝင်နိုင်ငံများ ဖြစ်သကဲ့သို့၊ CRC Convention အဖွဲ့ဝင်နိုင်ငံများဖြစ်သည့်အတွက် ကလေးသူငယ်များရဲ့ အခွင့်အရေး ကာကွယ်စောင့်ရှောက်ရေးအတွက် ထိရောက်စွာ ပူးပေါင်းဆောင်ရွက်နိုင်မှာ ဖြစ်သည်ကို ယုံကြည်ပါကြောင်း၊ MoU လက်မှတ် ရေးထိုးပြီးနောက်ပိုင်းတွင်လည်း နှစ်နိုင်ငံပူးပေါင်း ဆောင်ရွက်မှုများကို ဆက်လက်မြှင့်တင်ဆောင်ရွက်သွားမှာဖြစ်ကြောင်း၊ ယခုလုပ်ငန်းစဉ်တွင် ပူးပေါင်းကူညီဆောင်ရွက်ခဲ့ကြသော မိတ်ဖက်အဖွဲ့အစည်းများကိုလည်း ကျေးဇူးတင် ရှိပါကြောင်းနှင့် မြန်မာအစိုးရနှင့် ထိုင်းအစိုးရတို့အကြားရွှေ့ပြောင်း သွားလာခြင်းကြောင့် ထိခိုက်နစ်နာသည့် ကလေးသူငယ်များအား အကာအကွယ် ပေးခြင်းဆိုင်ရာ ပူးပေါင်းဆောင်ရွက်ရေး နားလည်မှုစာချွန်လွှာ (MoU) ရေးထိုးခြင်းလုပ်ငန်းစဉ်ကိုလည်း မိမိတို့အစိုးရ တာဝန်ယူစဉ်ကာလအတွင်း အမြန်ဆုံး အောင်မြင်အောင်ဆက်လက်ဆောင်ရွက် သွားမည်ဖြစ်ကြောင်း ပြောကြားခဲ့ပါသည်။

ဆက်လက်၍ လူမှုဝန်ထမ်းဦးစီးဌာန၊ သက်ဆိုင်ရာတာဝန်ခံ ညွှန်ကြားရေးမှူးမှ MoU ရေးဆွဲရေးဆောင်ရွက်ထားရှိမှုအခြေအနေ၊ သက်ဆိုင်ရာ ဝန်ကြီးဌာနများ၏ သဘောထား မှတ်ချက်များ၊ထိုင်းနိုင်ငံဘက်မှ ပြန်လည်ပေးပို့သော သဘောထားမှတ်ချက်၊ နှစ်နိုင်ငံအဆင့် MoU လက်မှတ်ရေးထိုးနိုင်ရေး အခမ်းအနားပြင်ဆင်ဆောင်ရွက်သွားမည့်အခြေအနေနှင့် ဆက်လက်ဆောင်ရွက်မည့် လုပ်ငန်းစဉ်များအား ရှင်းလင်းတင်ပြခဲ့ပါသည်။

ထို့နောက် လူမှုဝန်ထမ်းဦးစီးဌာန၊ ညွှန်ကြားရေးမှူးချုပ်က မြန်မာနှင့်ထိုင်းအကြား ရွှေ့ပြောင်းသွားလာခြင်းကြောင့် ထိခိုက်နစ်နာသည့် ကလေး သူငယ်များအား အကာအကွယ် ပေးခြင်းဆိုင်ရာ ပူးပေါင်းဆောင်ရွက်ရေး နားလည်မှုစာချွန်လွှာအား လက်မှတ်ရေးထိုးပြီးပါက နှစ်နိုင်ငံလုပ်ငန်းများ ပူးပေါင်း ဆောင်ရွက်ရာတွင် ပိုမိုစနစ်ကျလျင်မြန်စေရန် Standard Operational Procedure (SOP) ကို ဆက်လက်ရေးဆွဲသွားမည်ဖြစ်ပြီး၊ မြန်မာ-ထိုင်းနှစ်နိုင်ငံ နယ်စပ်မြို့များဖြစ်သည့် မြဝတီ-မဲဆောက်နှင့် ကော့သောင်း-ရနောင်းတို့တွင် ရှေ့ပြေးစီမံကိန်းများကို စတင်ပူးပေါင်း ဆောင်ရွက်သွားရန် သတ်မှတ် ရွေးချယ်ထားပြီး ဦးစွာ မြဝတီ-မဲဆောက် နယ်စပ်မြို့များတွင် စတင်ဆောင်ရွက်သွားမည်ဖြစ်ကြောင်း သတင်းရရှိပါသည်။

Sign Up

Upcoming Events